Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
मंगलवार, श्रावण ५ गते २०८३
Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
मंगलवार , श्रावण ५, २०८३
काठमाडौं । सीमा नाकाबाट तस्करी रोक्न नसकेको आरोपमा झापा र सुनसनरीमा कार्यरत सशस्त्र प्रहरी बलका एसपी तानिएका छन् ।
गृह मन्त्रालयको निर्देशनपछि झापाका अम्बिका प्रसाद जोशी र सुनसरीका श्यामकुमार कार्कीलाई मुख्यालय झिकाएर सशस्त्र प्रहरीले छानबिन थालेको हो।
गत साता गृहमन्त्री सुधन गुरुङ ती जिल्लामा अनुगमनमा पुगेका थिए। जस क्रममा ती जिल्लाका सशस्त्रको गतिविधि राम्रो नभएको भन्दै छानबिन गर्न लगाएका थिए।
ती जिल्लाका डीएसपी लगायत केही अधिकृतहरू यसअघि नै छानबिनमा छन् । जिल्लाकै इन्चार्जहरू पनि छानबिनमा परेका हुन् ।
प्रारम्भिक छानबिनमा उनीहरूको समेत शंकास्पद भूमिका देखिएपछि मुख्यालय झिकाइएको हो । दुवै एसपीको त्यहाँबाट सरुवा हुने सम्भावना छ।
त्यसो त समग्रमै सशस्त्र प्रहरीको कोशी प्रदेशको कमाण्ड कमजोर भएको रिपोर्टिङ गृह मन्त्रालय पुगेको छ। बाहिनीपति मनिष थापाको कार्यशैलीप्रति गृहमन्त्री सन्तुष्ट छैनन् ।
काममा गम्भीर नहुने र धेरै समय मनोरञ्जनमा बिताउने गरेको विषय गृह मन्त्रालयमा पुगेको छ । तत्कालका लागि उनलाई सचेत गराइएको र कमजोरी कायमै रहे सरुवा गर्ने चेतावनी दिइएको छ ।
सशस्त्र प्रहरीमा पछिल्लो नेतृत्व कमजोर भएको चर्चा छ। आईजीपी नारायणदत्त पौडेलले सरकारको गतिअनुसार संगठन चलाउन सकेका छैनन्। उनी आएलगत्तै कतिपय जिल्लामा बेथिती बढेको छ।
पौडेल भने काम गर्ने भन्दा शैलेन्द्र खनालको समयका बदनाम अधिकृतहरूलाई च्यापेर अघि बढ्ने प्रयासमा छन्।
© 2026 All right reserved to onlinenepal.com
Design & Developed By
