यी हुन् आज थपिने चार नयाँ मन्त्रीहरु

अनलाइन नेपाल

शुक्रवार , मंसिर २६, २०८२

काठमाडौं । प्रधानमन्त्री सुशीला कार्कीले आज मन्त्रिपरिषद् विस्तार गर्ने तयारी अघि बढाएकी छिन् ।

प्रधानमन्त्रीको सचिवालय स्रोतका अनुसार वन तथा वातावरण मन्त्री, भूमि व्यवस्था, सहकारी तथा गरिबी निवारण मन्त्री, महिला, बालबालिका तथा ज्येष्ठ नागरिक मन्त्री र श्रम, रोजगार तथा सामाजिक सुरक्षा मन्त्री गरी आज चार मन्त्री थपिँन लागेका हुन् ।

जसअनुसार कुमार इङनामलाई भूमि, माधव चौलागाईँलाई वन, राजेन्द्रसिंह भण्डारीलाई श्रम र श्रद्धा श्रेष्ठलाई महिला मन्त्रालयको जिम्मेवारी दिइनेछ।

भण्डारी नेपाल प्रहरीको एआईजी पदबाट अवकाश प्राप्त हुन् भने श्रेष्ठ पर्यटन बोर्डकी पूर्व वरिष्ठ प्रबन्धक हुन् ।

नवनियुक्त मन्त्रीहरुलाई आजै दिउँसो ३ बजे राष्ट्रपति भवन शीतल निवासमा शपथ खुवाउने तयारी गरिएको छ ।

यसअघि मन्त्रिपरिषद् १० सदस्यीय थियो। ९ कात्तिकमा तेस्रोपटक गरिएको पुनर्गठनपछि डा. सुधा शर्मा स्वास्थ्य तथा जनसंख्या र बब्लु गुप्ता युवा तथा खेलकुद मन्त्री बनेका थिए। चौथोपटक विस्तारपछि मन्त्रिपरिषद् १४ सदस्यीय हुने भएको छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

यी हुन् आज थपिने चार नयाँ मन्त्रीहरु