Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
मंगलवार , पौष १५, २०८२
काभ्रेपलाञ्चोक । ‘हनी ट्रयाप’मा पारेर काठमाडौं कीर्तिपुर नगरपालिका–५ का ५० वर्षीय विनोद खड्गीको अपहरणपछि हत्या गरेको अभियोगमा संलग्न तीन जनालाई जन्मकैदको सजाय सुनाइएको छ ।
सोमबार जिल्ला अदालत काभ्रेपलाञ्चोकका न्यायाधीश नगेन्द्रकुमार कालाखेतीको इजलासले मुख्य अभियुक्तहरू मनिषा महत, आशिष पासवान र प्रतीक गौतमलाई जन्मकैदको सजाय सुनाएको हो ।
अदालतका स्रेस्तेदार इन्दिरा कार्कीका अनुसार तीनै जनालाई जनही २–२ लाख रुपैयाँ जरिवाना र २८ सय रुपैयाँ पीडित राहत कोषमा जम्मा गराउने आदेश पनि दिइएको छ।
यस्तै अदालतले सोही प्रकरणमा संलग्न अन्य चार जनालाई भने सफाइ दिएको छ । रोशनी महत, सञ्जय खत्री, मेनुका महत र दिपेश पौडेललाई अभियोग प्रमाणित हुन नसकेको भन्दै सफाइ दिइएको हो ।
यसैगरी, मतियारको भूमिकामा मुद्दा चलाइएका काठमाडौं शंकरापुर नगरपालिका–५ का सरिन घिमिरेलाई दोषी ठहर गरिएको छ । उनको सजाय निर्धारणका लागि अदालतले अर्को पेशी तोकेको छ। घटनामा संलग्न भनिएका अंशु खान र शिवम सिं राजपुत भने फरार रहेका छन्।
काठमाडौं कीर्तिपुर नगरपालिका–५ मा मासु पसल सञ्चालन गर्दै आएका विनोद खड्गीलाई अभियुक्त समूहले २०८१ असोज ५ गते राति ‘हनी ट्रयाप’मा पारेर अपहरण गरेको थियो। अपहरणपछि फिरौती रकम असुलेर खड्गीको हत्या गरिएको अनुसन्धानबाट खुलेको थियो।
© 2026 All right reserved to onlinenepal.com
Design & Developed By
