जबरजस्ती करणी अभियोगमा इन्स्पेक्टर पक्राउ

कार्यकक्षमै जबरजस्ती करणी गरी कुटपिटसमेत गरेको आरोप

अनलाइन नेपाल

बुधवार , माघ २८, २०८२

जबरजस्ती करणी अभियोगमा इन्स्पेक्टर पक्राउ

चितवन । जबरजस्ती करणीको आरोपमा एक प्रहरी अधिकृतविरुद्ध जाहेरी दर्ता भएको छ ।

जिल्ला प्रहरी कार्यालय चितवन मातहतको इलाका प्रहरी कार्यालय खैरहनीका इन्चार्ज प्रहरी इन्स्पेक्टर प्रदीप महतविरुद्ध एक महिलाले माघ २३ गते जाहेरी दिएकी हुन् ।

उनले निवेदनमा आफ्नो पदको दबाब र प्रभावमा पारेर पटक–पटक यौन शोषण गरेको आरोप लगाएकी छिन् ।

गत असोज १ गते कार्यालयमा समस्या लिएर गएकी ती महिलालाई न्याय दिलाइदिन्छु भन्दै क्याफेमा कफी खान बोलाएर जबरजस्ती पटक-पटक यौन शोषण गरेको उनीमाथि आरोप छ ।

त्यसबेला जाहेरी गर्न प्रहरीकहाँ जान खोज्दा प्रहरी निरीक्षक महतले कुरा गर्ने नाममा बोलाएर उल्टै इलाका प्रहरी कार्यालय खैरहनीको कार्यकक्षमै जबरजस्ती करणी गरी कुटपिटसमेत गरेको ती महिलाको आरोप छ ।

साथै जाहेरीपछि आफूलाई महतका आफन्तहरुबाट धम्की आइरहेको पनि उनले बताएकी छिन् ।

जाहेरीपछि इन्स्पेक्टर महत हाल हिरासतमा रहेको चितवन प्रहरी स्रोतले बताएको छ ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

जबरजस्ती करणी अभियोगमा इन्स्पेक्टर पक्राउ