Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
सोमवार , फाल्गुण ११, २०८२
सिन्धुली । सिन्धुलीमा निर्माणाधीन हिमालयन फुड कम्पनी (राँगाको मासु प्रशोधन उद्योग)मा कार्यरत कामदारबीच झडप भएको छ ।
सोमबार बिहान जिल्लाको मरिण गाउँपालिका–४ साहानस्थित हिमालयन फुड कम्पनीमा मजदुरबीच भएको आपसी विवादमा ७ जना घाइते भएका छन् ।
झडपमा २ नेपाली र ५ चिनियाँ कामदार घाइते भएका जिल्ला प्रहरी कार्यालय सिन्धुलीले जनाएको छ ।
कम्पनीमा कार्यरत हलुका सवारी चालक मरिन गाउँपालिका–६ धमिलेका ३० वर्षीय नवराज बम्जनलाई कामबाट निकालेको विषयमा विवाद भएको थियो । पछि नेपालीलाई हेपेको भन्दै शुरु भएको विवाद कुटाकुटमा परिणत भएको हो ।
प्रहरीका अनुसार झडपमा परी घाइते हुनेहरूमा नेपाली कामदार नवराज बम्जन र उदयपुरको कटारी नगरपालिका–१२ का २२ वर्षीय गोकर्ण कटुवाल घाइते भएका छन् ।
त्यस्तै चीन घर भई हाल हिमालयन फुड कम्पनीमा काम गर्ने चिनियाँ नागरिकहरूमध्ये ३८ वर्षीय मिस्टर याङ, ४५ वर्षीय याङ हाइबो, ४० वर्षीय छ्याङ छोङ, ३१ वर्षीय लेउसेन्सी र ४६ वर्षीय चुजेन घाइते भएका छन् ।
घाइतेहरूको मरिन सामुदायिक अस्पताल कपिलाकोट र मरिन सामुदायिक कम्युनिटी हस्पिटलमा उपचार भइरहेको छ ।
घाइतेमध्येका बम्जनलाई थप उपचारका लागि हेलिकोप्टरमार्फत काठमाडौं ल्याउने तयारी भइरहेको सिन्धुली प्रहरीले जनाएको छ ।
घटनापछि कम्पनी परिसरमा केही समय तनावपूर्ण अवस्था रहेकाले प्रहरी परिचालन गरिएको छ ।
© 2026 All right reserved to onlinenepal.com
Design & Developed By
