काठमाडौं । राष्ट्रिय स्वतन्त्र पार्टीका सभापति रवि लामिछानेले प्रतिनिधिसभा सदस्य निर्वाचनअन्तर्गत काठमाडौं क्षेत्र नम्बर ३ मा मतदान गर्ने भएका छन्।
निर्वाचनको दिन बिहान ७ बजे उनी काठमाडौं महानगरपालिका–५ स्थित उपत्यका खानेपानी लिमिटेडको महाङ्कालचौर मतदान केन्द्रमा पुगेर मतदान गर्ने कार्यक्रम तय भएको उनको सचिवालयले जनाएको छ।
यसैगरी, रास्वपाका वरिष्ठ नेता बालेन शाहले पनि बिहान ७ बजे नै मतदान गर्ने भएका छन्।
उनले सिनामंगलस्थित अन्नपूर्ण स्कुलमा रहेको मतदान केन्द्रमा मतदान गर्ने तय भएको छ।
निर्वाचनलाई शान्तिपूर्ण, निष्पक्ष र व्यवस्थित रूपमा सम्पन्न गराउन सुरक्षा व्यवस्था कडा पारिएको छ।