ओमानमा ड्रोन खस्दा दुई विदेशी कामदारको मृत्यु, नेपाली सुरक्षित

अनलाइन नेपाल

शुक्रवार , फाल्गुण २९, २०८२

ओमानमा ड्रोन खस्दा दुई विदेशी कामदारको मृत्यु, नेपाली सुरक्षित

एजेन्सी। इरानले प्रहार गरेको ड्रोन खस्दा ओमानमा दुई विदेशी कामदारको मृत्यु भएको छ ।

ओमानको सोहर प्रान्तमा ड्रोन खस्दा दुईजना विदेशी कामदारको मृत्यु भएको हो ।

अन्तर्राष्ट्रिय समाचार संस्था अलजजिराका अनुसार उक्त ड्रोन अल-अवाही औद्योगिक क्षेत्रमा खसेको थियो, जसका कारण दुई जनाको ज्यान गएको छ भने अन्य केही घाइते भएका छन् ।

सोहि क्षेत्रमा अर्को एउटा ड्रोन पनि खसालिएको उक्त समाचार एजेन्सीले जनाएको छ।

यस घटनाका सम्बन्धमा ओमानको लागि नेपाली राजदूत डोरनाथ अर्यालले त्यहाँ रहेका सबै नेपाली सुरक्षित रहेको बताएका छन् ।

'दुई विदेशी कामदारको मृत्यु भएको भन्ने समाचार आएको छ । हामीले बुझ्दा घटना भएको क्षेत्रमा सबै नेपाली सुरक्षित रहेको जानकारी आएको छ,' राजदूत अर्यालले भने ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

ओमानमा ड्रोन खस्दा दुई विदेशी कामदारको मृत्यु, नेपाली सुरक्षित