Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
मंगलवार , बैशाख १५, २०८३
काठमाडौं । सरकारको विद्यार्थी संगठन खारेज गर्ने निर्णयसंगै संयुक्त विद्यार्थी संगठनहरुले मार्चपाससहित विरोध प्रदर्शन गरेका छन् ।
मंगलबार कीर्तिपुरस्थित त्रिभुवन विश्वविद्यालय परिसरमा विद्यार्थीले विद्यार्थी संगठनहरू खारेज गर्ने तयारी विरुद्ध विरोधसहित मार्चपास गरेका हुन् ।
विद्यार्थी संगठनमाथि प्रतिबन्ध लगाउने निर्णय संविधान र लोकतान्त्रिक मूल्य-मान्यताविपरीत हुनुका साथै नागरिक अधिकारमाथिको हस्तक्षेप भएको उनीहरूको जिकिर छ । उक्त निर्णय तत्काल फिर्ता गर्नुपर्ने माग विद्यार्थी नेताहरूले गरेका छन् ।
यसैबीच प्रदर्शनरत विद्यार्थीहरुले शिक्षा, विज्ञान तथा प्रविधिमन्त्री सस्मित पोखरेलको राजीनामा समेत मागेका गरेका छन् ।
मार्चपास कार्यक्रममा बोल्दै अनेरास्ववियका उपाध्यक्ष अशोक थापाले विद्यार्थी संगठन खारेज गर्ने र विद्यार्थी संगठनलाई क्याम्पस प्रवेश गर्न निषेध गर्नेगरी मन्त्रिपरिषद्बाट निर्णय गर्ने सरकारको तयारीविरुद्ध आफूहरु आन्दोलनमा रहेको बताए ।
साथै उनले सरकारले विद्यार्थी संगठन खारेज गर्ने घोषणा फिर्ता नलिएसम्म आन्दोलन जारी रहने चेतावनी समेत दिएका छन् ।
चैत १३ गते प्रधानमन्त्री नियुक्त भएका बालेन्द्र ९बालेन० शाहको अध्यक्षतामा बसेको पहिलो मन्त्रिपरिषद् बैठकको निर्णयअनुसार ‘शासकीय सुधारको १०० बुँदे कार्यसूची’ मार्फत सरकारले शैक्षिक संस्थामा हुने राजनीतिक हस्तक्षेप मुक्त गर्न विद्यालय र विश्वविद्यालय हाताबाट विद्यार्थी संगठनका संरचना हटाउने घोषणा गरेको थियो ।
सरकारको उक्त घोषणा अनुसार अबको केही दिनभित्र शिक्षण संस्थाहरूबाट दलीय आधारमा बनेका संगठनका संरचनाहरू हटाइने छ ।
जसका लागि शिक्षामन्त्री सस्मित पोखरेलले विभिन्न विश्वविद्यालयका उपकुलपतिहरुलाई निर्देशन दिइसकेका छन् ।
© 2026 All right reserved to onlinenepal.com
Design & Developed By
