Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
मंगलवार , बैशाख २२, २०८३
काठमाडौं । सरकारले ६ सदस्यीय संवैधानिक परिषद्का ४ सदस्य उपस्थित भएको खण्डमा बैठक बस्न सकिने व्यवस्था ल्याएको छ । राष्ट्रपति रामचन्द्र पौडेलले आज संवैधानिक परिषद् सम्बन्धी अध्यादेश जारी गरेसँगै यो व्यवस्था लागू भएको हो ।
उक्त अध्यादेशमा संवैधानिक परिषद्को बैठक बस्नका लागि गणपूरक संख्या ४ राखिएको छ । ६ सदस्यीय संवैधानिक परिषद्को बैठक बस्नका लागि ४ जना सदस्य उपस्थित भएकै हुनुपर्छ ।
अध्यादेशको दफा ६ को उपदफा (४) मा संवैधानिक परिषद्को बैठकमा अध्यक्ष र कम्तीमा ३ जना सदस्यहरू गरी कम्तीमा ४ जना उपस्थित भएमा परिषद्को बैठकको लागि गणपूरक संख्या मानिने व्यवस्था छ ।
संवैधानिक परिषदमा रहने ६ जना सदस्यमध्ये ४ जनाको उपस्थितिले कूल सदस्यको बहुमत भई गणपूरक संख्या पूरा हुने भनिएको छ ।
अध्यादेशको दफा ६ को उपदफा (५) को स्पष्टीकरणको खण्ड (ग) मा संवैधानिक परिषद्का अध्यक्ष र कम्तीमा ३ जना सदस्य उपस्थित भएको बैठकमा अध्यक्ष र २ जना सदस्य गरी कम्तीमा ३ जनाको निर्णय परिषद्को निर्णय मानिने व्यवस्था छ ।
अध्यक्ष र पाँचजना सदस्य गरी परिषद्को पूर्ण (६ जना) उपस्थित हुँदा यो संख्या बिजोर नभई जोर भएकोले कुनै प्रस्ताव उपर निर्णय गर्दा मत बराबर अर्थात् ३/३ को संख्या भएको खण्डमा परिषद्को अध्यक्ष सहमत भएको पक्षमा बहुमत भएको मानेर निर्णय गर्ने व्यवस्था अध्यादेशमा छ ।
गणपूरक संख्याको आधारमा संवैधानिक परिषद्को बैठक बसेको अवस्थामा सर्वसम्मत हुन नसके बहुमतवाट निर्णय गर्न सक्ने व्यवस्था छ ।
संवैधानिक निकायका प्रमुख र पदाधिकारी नियुक्तिका लागि सिफारिस गर्न प्रधानमन्त्री अध्यक्ष रहने ६ सदस्यीय संवैधानिक परिषद् सर्वोच्च संवैधानिक निकाय हो ।
परिषद्को सदस्यहरूमा प्रधानन्यायाधीश, सभामुख, राष्ट्रिय सभा अध्यक्ष, उपसभामुख र प्रमुख प्रतिपक्षी दलको नेता रहन्छन् ।
© 2026 All right reserved to onlinenepal.com
Design & Developed By
