Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , जेठ २०, २०८३
एजेन्सी । दक्षिणी लेबनानमा इजरायली सेना र हिजबुल्लाहबीच भीषण संघर्ष भएको दाबी गरिएको छ । हिजबुल्लाहले एक विज्ञप्ति जारी गर्दै इजरायली सेनामाथि १३ पटक आक्रमण गरेको जनाएको छ ।
सङ्गठनका अनुसार यी आक्रमणहरूमा सैनिक टोली, सैन्य सवारी साधन तथा कमाण्ड पोस्टहरूलाई लक्षित गरिएको थियो। हिजबुल्लाहले रकेट, तोपखाना, गाइडेड मिसाइल र अट्याक ड्रोन प्रयोग गरेर इजरायली सेनाको अगाडि बढ्ने प्रयासलाई विफल पारेको दाबी गरेको छ।
हिजबुल्लाहको भनाइ अनुसार दक्षिणी लेबनानका विभिन्न क्षेत्रमा भएको झडपका क्रममा इजरायली सेना घुसपैठ गर्न खोज्दा भारी प्रतिरोध सामना गर्नुपरेको थियो।
सङ्गठनले हद्दाथा र अल(बलू क्षेत्र आसपास इजरायली मर्कावा ट्याङ्कहरूलाई निशाना बनाइएको तथा एक सैन्य सवारी साधन नजिक विस्फोटक उपकरण विस्फोट गराइएको जनाएको छ। यसपछि इजरायली सैनिकहरूले कारबाही रोक्दै हवाई आक्रमणको सहारामा पछि हट्नुपरेको दाबी गरिएको छ।
त्यस्तै, दक्षिणी लेबनानको ऐतिहासिक ब्यूफोर्ट क्यासल र बियादा क्षेत्र आसपास तैनाथ इजरायली सेनामाथि पनि मिसाइल तथा रकेट आक्रमण गरिएको हिजबुल्लाहले जनाएको छ। उक्त आक्रमणमा एक कमाण्ड मुख्यालय र बख्तरबन्द इकाइहरूलाई निशाना बनाइएको दाबी गरिएको छ।
© 2026 All right reserved to onlinenepal.com
Design & Developed By
