Jun 28 2026 | २०८३, आषाढ १४ गते
28 Jun 2026 | आइतवार, आषाढ १४ गते २०८३
आइतवार, आषाढ १४ गते २०८३
Jun 28 2026 | २०८३, आषाढ १४ गते
28 Jun 2026 | आइतवार, आषाढ १४ गते २०८३
आइतवार , आषाढ १४, २०८३
काठमाडौं । कृषि, वन तथा पर्यावरणमन्त्री गीता चौधरी थाइल्यान्ड प्रस्थान गरेकी छन् ।
थाइल्यान्डको राजधानी ब्याङककमा सोमबारदेखि आयोजना हुने वातावरण तथा दिगो विकास सम्बन्धी उच्चस्तरीय सम्मेलनमा सहभागी हुन उनी आज त्यहाँ प्रस्थान गरेकी हुन् ।
कृषि, वन तथा पर्यावरण मन्त्रालयका अनुसार यही जुन २९ देखि जुलाई ३ सम्म ५ दिने सम्मेलनका क्रममा भोलि सोमबार आयोजना हुने ‘पेरिस सम्झौता र दिगो विकासका लागि २०३० कार्यसूची बीचको समन्वय सुदृढीकरणसम्बन्धी सातौँ विश्व सम्मेलनको उच्चस्तरीय सत्र’मा उनी सहभागी हुनेछिन् ।
सम्मेलनमा जलवायु परिवर्तनका असर घटाउने, पेरिस सम्झौता कार्यान्वयन तथा दिगो विकास लक्ष्यसँगको सहकार्यलाई मजबुत बनाउने विषयमा छलफल हुनेछ ।
साथै, उनी ‘वातावरण तथा विकास समितिको नवौँ मन्त्रीस्तरीय अधिवेशन’मा सहभागी हुनेछिन् ।
मन्त्री चौधरीले जलवायु परिवर्तनका असर, हिमाली मुलुकका चुनौती, वातावरण संरक्षणका लागि गरिएका प्रयास, दिगो विकास लक्ष्य हासिल गर्ने दिशामा नेपालले गरेका प्रगतिबारे विश्व समुदायलाई जानकारी दिनेछिन् ।
मन्त्रिपरिषद्को २९ जेठको निर्णयानुसार मन्त्री चौधरीको नेतृत्वमा नेपाली प्रतिनिधिमण्डल त्यसतर्फ प्रस्थान गरेको हो । यस भ्रमणमा मन्त्री चौधरीका साथमा मन्त्रालयका सहसचिव (प्राविधिक) डा. राजेन्द्र केसी पनि सहभागी छन् ।
© 2026 All right reserved to onlinenepal.com
Design & Developed By
