Jul 03 2026 | २०८३, आषाढ १९ गते
03 Jul 2026 | शुक्रवार, आषाढ १९ गते २०८३
शुक्रवार, आषाढ १९ गते २०८३
Jul 03 2026 | २०८३, आषाढ १९ गते
03 Jul 2026 | शुक्रवार, आषाढ १९ गते २०८३
शुक्रवार , आषाढ १९, २०८३
काठमाडौं । गृह मन्त्रालयले नवलपरासी (पश्चिम) को सीमावर्ती सुस्ता क्षेत्रमा सुरक्षा व्यवस्था थप सुदृढ बनाउन अतिरिक्त सुरक्षाकर्मी परिचालन गर्न जिल्ला प्रशासन कार्यालयलाई निर्देशन दिएको छ ।
शुक्रबार गृह मन्त्रालयको सचिवस्तरीय निर्णयअनुसार नवलपरासी (पश्चिम) का प्रमुख जिल्ला अधिकारीलाई पत्राचार गर्दै सुस्ताको सुरक्षा अवस्था थप प्रभावकारी बनाउन आवश्यक सुरक्षाकर्मी खटाउने व्यवस्था मिलाउन भनिएको हो।
यसअघि असार १७ गते सुस्ता क्षेत्रका स्थानीय बासिन्दाले गृहमन्त्री सुधन गुरुङसँग भेटवार्ता गर्दै सीमावर्ती क्षेत्रको सुरक्षा र नागरिकतासम्बन्धी समस्या समाधान गर्न आग्रह गरेका थिए। हाल सुस्तामा सशस्त्र प्रहरी बलको स्थायी बोर्डर आउट पोस्ट ९बीओपी० सञ्चालनमा रहे पनि स्थानीयले थप सुरक्षा व्यवस्थाको माग गर्दै आएका छन्।
गृह मन्त्रालयले सुस्तामा नागरिकता नपाएका योग्य व्यक्तिहरूको विस्तृत विवरण संकलन गरी प्रोफाइल तयार गर्न पनि जिल्ला प्रशासनलाई निर्देशन दिएको छ।
त्यस्तै, नागरिकता प्राप्त गर्न कानुनी रूपमा योग्य देखिएका व्यक्तिलाई प्रचलित नागरिकता ऐन र नियमावली बमोजिम नागरिकता उपलब्ध गराउन भनिएको छ। कानुनी जटिलताका कारण तत्काल नागरिकता दिन नसकिने अवस्था भए त्यसको स्पष्ट कारणसहित नीतिगत निर्णयका लागि गृह मन्त्रालयमा प्रतिवेदन पठाउन पनि निर्देशन दिइएको छ।
© 2026 All right reserved to onlinenepal.com
Design & Developed By
