Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
मंगलवार, श्रावण ५ गते २०८३
Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
सोमवार , श्रावण ४, २०८३
काठमाडौं । देशका विभिन्न स्थानमा अविरल वर्षा, बाढी र पहिरोको जोखिम बढेपछि भूमि व्यवस्था, सहकारी तथा संघीय मामिला तथा सामान्य प्रशासन मन्त्रालयले स्थानीय तहका कर्मचारीलाई अनिवार्य रूपमा कार्यालयमा उपस्थित रहन निर्देशन दिएको छ।
मन्त्रालयको स्थानीय तह समन्वय शाखाले जारी गरेको परिपत्रमार्फत जिल्ला समन्वय समिति तथा स्थानीय तहका कर्मचारीलाई विपद् व्यवस्थापन, उद्धार, राहत, समन्वय र सेवा प्रवाहलाई प्रभावकारी बनाउन नियमित कार्यालयमा उपस्थित हुन भनिएको हो।
परिपत्रमा विपद्को अवधिभर कर्मचारीले कार्यालय नछोडी आवश्यक समन्वय, सहजीकरण तथा निर्णय प्रक्रियामा सक्रिय भूमिका निर्वाह गर्नुपर्ने उल्लेख छ।
मन्त्रालयले हाल बिदामा रहेका कर्मचारीलाई समेत बिदा छोट्याएर सम्बन्धित कार्यालयमा उपस्थित भई जिम्मेवारी पूरा गर्न निर्देशन दिएको छ।
यस्तै, विपद्सम्बन्धी सूचना संकलन, उद्धार तथा राहत कार्य, क्षतिको विवरण संकलन र आवश्यक समन्वयका लागि जिल्ला प्रशासन कार्यालय, सुरक्षा निकाय, प्रदेश सरकार तथा संघीय निकायसँग निरन्तर सम्पर्क र सहकार्य गर्न स्थानीय तहलाई आग्रह गरिएको छ।
विशेष परिस्थितिका कारण कार्यालय छाड्नुपर्ने अवस्था आएमा सम्बन्धित निकायको पूर्वस्वीकृति लिनुपर्ने र जिम्मेवारीको उचित व्यवस्थापन गरेर मात्र बाहिर जानुपर्ने मन्त्रालयले जनाएको छ।
मन्त्रालयले विपद्को जोखिम बढिरहेका बेला नागरिकलाई छिटो र प्रभावकारी सेवा उपलब्ध गराउन तथा उद्धार र राहत कार्यलाई व्यवस्थित बनाउन यस्तो निर्देशन जारी गरिएको स्पष्ट पारेको छ।
© 2026 All right reserved to onlinenepal.com
Design & Developed By
