काठमाडौं । अख्तियार दुरुपयोग अनुसन्धान आयोगले सर्लाहीमा कार्यरत प्रहरी सहायक निरीक्षक (असई) राम विश्वास राय यादवलाई घुससहित पक्राउ गरेको छ ।
सेवाग्राहीसँग ५ हजार रुपैयाँ घुस लिइसकेको समयमा प्रहरी चौकी गौरीशंकरमा कार्यरत असई यादवलाई अख्तियार बर्दिवासको टोलीले पक्राउ गरेको हो ।
नियन्त्रणमा लिएको भारतीय नम्बर प्लेटको मोटरसाइकल छाड्ने विषयमा यादवले सेवाग्राहीसँग घुस मागेको सूचनाको आधारमा आयोगको टोलीले उनलाई ईश्वरपुर नगरपालिका–१० श्रीनगर महारानी बजारस्थित कार्यालय परिसरबाट रङ्गेहात नियन्त्रणमा लिएको आयोगका प्रवक्ता प्रदीपकुमार कोइरालाले जानकारी दिए ।
Leave a Reply