काठमाडाैं । लमजुङमा जबर्जस्ती करणीकाे अनाैठाे घटना सार्वजनिक भएकाे छ । एक अधबैंसे पुरुषले एकै दिन ३ बालिकालाई पालैपालो जबर्जस्ती करणी गरेको खुलेको छ ।

ती पुरुषले केही समययता बालिकाहरूलाई जबर्जस्ती करणीजन्य गतिविधि गर्दै आएकामा तीजको भोलिपल्ट (भदौ ६) मा तीनै जनालाई एकै ठाउँमा बोलाएर ललाइफकाइ पालैपालो करणी गरेको प्रहरीले जनाएको छ ।

जबर्जस्ती करणी अभियोगमा प्रहरीले क्ब्होलासोंथर गाउँपालिका–३ बगुमका ४३ वर्षीय नन्दमान गुरुङलाई बिहीबार पक्राउ गरेको छ । उनले ११/११ वर्षका दुई जना र ९ वर्षकी एक बालिकालाई कोही नबस्ने घरमा लगेर करणी गरेको अभियोग प्रहरीले लगाएको छ ।

डीएसपी गंगाबहादुर थापाले बालिकाहरूको स्वास्थ्य परीक्षण गरी गुरुङमाथिको कारबाही प्रक्रिया अघि बढाइएको बताए । मौखिक उजुरीका आधारमा नियन्त्रणमा लिएका गुरुङविरुद्ध पीडित परिवारले शुक्रबार प्रहरीमा उजुरी दिएका छन् ।

प्रारम्भिक सोधपुछमा गुरुङले गल्ती स्वीकारेका प्रहरीले बताएको छ । प्रहरीले उनको मोबाइलमा थुप्रै अश्लील भिडियोसमेत फेला पारेको जनाएको छ ।