काठमाडौं । बिहीबार देशभरका सबै अदालत बन्द हुने भएका छन् ।
पूर्व प्रधानन्यायाधीश अनिरुद्रप्रसाद सिंहको निधनमा शोक मनाउन सर्वोच्च अदालत, सबै उच्च अदालत र जिल्ला अदालतहरु बन्द हुने भएका हुन् ।
सर्वोच्च अदालतमा आज आकस्मिक रुपमा बसेको पूर्ण बैठकले देशभरका सबै अदालत बन्द गर्ने निर्णय गरेको सर्वोच्च अदालतका प्रवक्ता भद्रकाली मिश्रद्वारा आज जारी विज्ञप्तिमा उल्लेख गरिएकाे छ ।
२०१३ साल जेठ ८ गते देखि ०१६ साल असार १५ गतेसम्म सर्वोच्च अदालतको प्रधानन्यायाधीश रहेका सिंहको हिजो भदौ ३० गते साँझ निधन भएको थियो ।
सिंह बिक्रम संवत १९७६ साल माघ २० गते सप्तरीमा जन्मिएका थिए । २००३ सालमा बडाहाकिम भएर उनले सरकारी सेवा प्रवेश गरेका थिए ।
Leave a Reply