काठमाडौं । राष्ट्रिय सभा सदस्य वामदेव गौतम संसदको दिगो विकास तथा सुशासन समितिमा मनोनित भएका छन् ।

आज बसेको राष्ट्रिय सभाको साताैँ अधिवेशनले गौतमलाई सुशासन समितिमा मनोनित गर्ने निर्णय गरेको हो ।

कानून न्याय तथा संसदीय मामिलामन्त्री लिलानाथ श्रेष्ठले गौतमलाई समितिको सदस्यका लागि सिफारिस गरेका थिए ।

गौतमलाई सर्वसम्मतीले मनोनित गरेको राष्ट्रिय सभा अध्यक्ष घणेश प्रसाद तिमल्सिनाले घोषणा गरेका हुन् ।