काठमाडौं । पठाओ नेपालको सेवा रोकिएको छ ।

प्राविधिक कारणले सेवा रोकिएको भन्दै पठाओले छिट्टै सेवा सुचारु हुने दाबी गरेको छ ।

मोटरसाइकल राइडरहरु हिड्ने बाटो रुटमा समस्या भएकाले सेवा भएको र बुधबार दिउँसोसम्म सेवा सुचारु हुने पठाओ नेपालका संस्थापक आसिममान सिंह बस्न्यातले बताए ।

पठाओ फुड र पठाओ ट्याक्सी सुचारु भएको र मोटरसाइकल सेवामा देखिएको प्राविधिक समस्या पनि सुधारको चरणमा रहेको उनले दाबी गरे । ‘पठाओ फुड र ट्याक्सी सेवा सुरु भएको छ, मोटरसाइकल पनि बुधबार दिउँसोसम्म सेवामा आउने अपेक्षा छ,’ बस्न्यातले भने ।

मोटरसाइकल राइडर यात्रु बोकेर जाने र फर्कने बाटो देखाउने प्रणालीमा देखिएको समस्या अहिले अपडेट भइरहेको उनको भनाइ छ । अरु कुनै कारणबाट सेवा नरोकिएको भन्दै उनले ग्राहकमा पर्न गएको असुविधाप्रति पठोओ दुःखी रहेको बताए ।

यसअघिव हिजो पठाओले राईडरहरुले आफूखुसी अफलाइन टिप गरेको भन्दै कम्पनीको लोगो अंकित कुनैपनि ड्रेस लगाउन प्रतिबन्ध लगाएको थियो। सेवा रोकिएपछि दैनिक पठाओ चलाएर जीवन गुजार्नेहरुलाई मर्का पर्ने देखिन्छ।