पोखरा । गण्डकी प्रदेशका मुख्यमन्त्री पृथ्वीसुब्बा गुरुङको एन्टिजिन परीक्षणको रिपोर्ट पोजेटिभ आएको छ ।

पीसीआर परीक्षणका लागि उनको स्वाब संकलन गरिएको छ । त्यसको रिपोर्ट आउन भने बाँकी नै छ ।

मंगलबार गुरुङ संसदीय दलको बैठकमा सहभागी भएका थिए । बैठक सकेर निवासमा फर्किएपछि उनलाई ज्वरो आएको थियो। त्यसपछि गुरुङको एन्टिजिन परीक्षण गरिएको थियो ।

गुरुङका स्वकीय सचिव विक्रम न्यौपानेलाई तीन दिन अघि कोरोना संक्रमण पुष्टि भएको थियो ।