बुटवल । लुम्बिनी प्रादेशिक अस्पतालको फिबर क्लिनिकमा रुपन्देहीका चार कोरोना संक्रमितको मृत्यु भएको छ ।

मृत्यु हुनेमा तीन महिला र एक पुरुष छन् । कोरोना विशेष अस्पतालमा बेड नपाएपछि उनीहरुलाई फिबर क्लिनिकमा भर्ना गरिएको थियो ।

बुटवल उपमहानगरपालिका–१२ का ४७ वर्षिय पुरुषमा वैशाख १५ गते कोरोना पोजेटिभ पुष्टि भई सोही दिन अस्पताल भर्ना भएकामा मंगलबार राति १० बजे मृत्यु भएको अस्पतालले जनाएको छ ।
यस्तै कन्चन गाउँपालिका–४ का २७ वर्षिया महिलामा वैशाख १९ गते कोरोना संक्रमण देखिएको थियो । उनको आज बिहान मृत्यु भएको हो ।

यसैगरी बुटवल ९ का ५४ वर्षिया महिलामा बैशाख १८ गते कोरोना संक्रमण पुष्टि भएको थियो । उनको पनि आज बिहान मृत्यु भएको हो ।

यस्तै बैशाख १४ गते कोरोना संक्रमण पुष्टि भएकी तिलोत्तमा नगरपालिका–४ की ४० वर्षिया महिलालाई २१ गते अस्पताल भर्ना गरिएको थियो । उनको पनि आज बिहान मृत्यु भएको अस्पतालले जनाएको छ ।