काठमाडौं । पछिल्लो २४ घण्टामा थप ४३५ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज १२०६७ जनामा परीक्षण गर्दा ४३५ जनामा संक्रमण पुष्टि भएको हो ।

यसअघि हिजो ९,३२९ जनामा परीक्षण गर्दा ३९३ जनामा संक्रमण पुष्टि भएको थियो । मन्त्रालयका अनुसार बिगत केही दिनयता संक्रमितको संख्या केही बढेको छ।

यस्तै, पछिल्लो २४ घण्टामा २३९ जना संक्रमणमुक्त भएका छन् ।

यसैगरी, बुधबार कोरोनाका कारण कसैको पनि मृत्यु भएको छैन । हालसम्म नेपालमा कोरोना संक्रमणबाट मृत्यु हुनेको संख्या ११ हजार ६०१ रहेको छ।

हाल देशभर ५,२२५ जना कोरोना भाइरसका सक्रिय संक्रमित रहेका छन्।