काठमाडौ‌ं । नेपालमा पछिल्लो २४ घण्टामा थप २ हजार ५६५ जनामा कोरोना भाइरस संक्रमण पुष्टि भएको छ ।

स्वास्थ्य मन्त्रालयका अनुसार शुक्रबार कुल ११ हजार ०७३ जनाको परीक्षण गर्दा २ हजार ५२६ जनामा कोरोना भाइरस (कोभिड-१९) को संक्रमण पुष्टि भएको हो ।

यस्तै, पछिल्लो २४ घण्टामा मुलुकका विभिन्न अस्पतालबाट गरी ८ हजार ८४५ जना संक्रमणमुक्त भएको मन्त्रालयको तथ्यांकमा उल्लेख छ।

यसैगरी मन्त्रालयका अनुसार आज थप १६ जना कोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको ११ हजार ७९४ संख्या पुगेको छ।

हाल देशभर ५६ हजार ४५७ जना सक्रिय संक्रमितहरु रहेका छन् ।