काठमाडौं । पछिल्लो २४ घण्टामा देशभर थप १ हजार ३८६ जनामा कोरोना भाइरसको सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार ९ हजार २५१ जनाको परीक्षण गर्दा कुल १,३८६ जनामा सङ्क्रमण पुष्टि भएको हो ।

यही अवधिमा थप ८ हजार ७०४  जना सङ्क्रमणमुक्त भएका छन् । यस्तै, कोभिड–१९ को सङ्क्रमणबाट थप ११ जनाले ज्यान गुमाएका छन् ।

हालसम्म देशभर ११ हजार ८१४ जनाले ज्यान गुमाइसकेका छन् ।

यसैगरि हाल देशभर ४५ हजार  २४८ जना सक्रिय संक्रमितहरु रहेका छन्।