काठमाडौं । देशभर पछिल्लो २४ घण्टामा ७४७ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार आज सोमबार ६ हजार २७९ पीसीआर परीक्षणमा ४८२ जना र २ हजार ४१७ एन्टिजेन परीक्षणमा २६५ जना गरी ७४७ जनामा संक्रमण पुष्टि भएको हो।
यस्तै, पछिल्लो २४ घण्टामा कोरोना संक्रमणका कारण ८ जनाले ज्यान गुमाएका छन् । योसँगै नेपालमा हालसम्म कोरोना संक्रमणबाट ज्यान गुमाउनेको संख्या ११ हजार ९०० पुगेको छ।
यसैगरी आज २ हजार ३१९ जना संक्रमणमुक्त भएका छन् । हाल देशभर कोरोना भाइरसको सक्रिय संक्रमित संख्या २० हजार ७३९ रहेको छ ।
मन्त्रालयका अनुसार २४ घण्टामा २ लाख १६ हजार ११८ जनाले कोरोना संक्रमण विरुद्धको खोप लगाएका छन् ।
Leave a Reply