काठमाडौं । अभिनेत्री रेखा थापाले पर्यटन व्यवसायी बलराम शाहीसँग अदालती विवाह गरेकी छन् । इजरायल बस्दै आएका जाजरकोटका शाहीसँग थापालले केही दिनअघि काठमाडौं जिल्ला अदालतमा गएर कोर्ट म्यारिज गरेको स्रोतको दावी छ ।

आगामी वैशाखमा मात्रै विवाह गर्ने बताउँदै आएकी थापा कुनै बेलाकी नेपाली चलचित्र क्षेत्रकी सफल अभिनेत्री हुन् । तर, पछिल्लो समय भने उनी चलचित्रभन्दा राजनीतिमा बढी सक्रिय देखिन्छिन् । थापा राष्ट्रिय प्रजाचन्त्र पार्टीबाट राजनीतिमा होमिएकी छन् ।

२०५६ सालमा चलचित्र ‘हिरो’बाट डेब्यु गरेकी रेखाले एकदशकसम्म चलचित्र क्षेत्रमा राज गरिन् । थापाको यो दोस्रो विवाह हो । यसअघि निर्माता छविराज ओझासँगको वैवाहिक जीवन १० वर्षअघि सम्बन्धविच्छेदमा टुंगिएको थियो ।