काठमाडौं । देशभर पछिल्लो २४ घण्टामा ५७० जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज विहीबार ९ हजार ७८९ पीसीआर परीक्षणमा ३६४ जना र २ हजार ७६१ एन्टिजेन परीक्षणमा २०६ जना गरी ५७० जनामा संक्रमण पुष्टि भएको हो।

यस्तै, पछिल्लो २४ घण्टामा कोरोना संक्रमणका कारण ६ जनाले ज्यान गुमाएका छन् । योसँगै नेपालमा हालसम्म कोरोना संक्रमणबाट ज्यान गुमाउनेको संख्या ११ हजार ९११ पुगेको छ।

यसैगरी आज १ हजार ९९३ जना संक्रमणमुक्त भएका छन् । हाल देशभर कोरोना भाइरसको सक्रिय संक्रमित संख्या १६ हजार ६१६ रहेको छ ।

यसअघि हिजो बुधबार ६३९ जनामा संक्रमण पुष्टि हुँदा ३ जनाको मृत्यु भएको थियो।