एजेन्सी । युरोपा लिगमा वेस्ट ह्याम युनाइटेड क्वार्टरफाइनलमा पुगेको छ । गएराति भएको अन्तिम १६ को दोस्रो लेगमा सेभिल्लालाई २–० ले हराउँदै वेस्ट ह्याम क्वार्टरफाइनल पुगेको हो ।

यससँगै समग्रमा वेस्ट ह्याम २–१ गोलले विजयी भएको हो । यसअघि पछिलो लेगमा सेभिल्लाले वेस्ट ह्याममाथि १–० को जित निकालेको थियो ।

बिहीबार राति भएको खेलमा निर्धारित ९० मिनेटमा वेस्ट ह्याक सेभिल्लामाथि १–० ले अघि रह्यो। त्यसपछि खेल अतिरिक्त समयतर्फ धकेलिएको थियो ।

खेलको ११२ औं मिनेटमा युक्रेनका खेलाडी एन्ड्री यार्मोलेन्कोले वेस्ट ह्यामका लागि निर्णायक गोल गरे ।