काठमाडौं । युरोपा लिगको क्वार्टरफाइनलको पहिलो लेगमा म्यानचेस्टर युनाइटेड र सेभिल्लाले बराबरी गरेका छन् ।

घरेलु मैदान ओल्ड ट्राफोर्डमा बिहीबार राति भएको खेलमा युनाइटेड सेभिल्लासँग २–२ को बराबरीमा रोकिएको हो।

युनाइटेडले पहिलो हाफमानै २-० को अग्रता बनाएपनि दोस्रो हाफको अन्तिम समयमा समालिन नसक्दा लगातार दुई आत्मघाती गोल भएको थियो । युनाइटेडका लागि मार्सेल सबिटजरले दुवै गोल गरेका थिए ।

खेलको ८४ औँ मिनेटमा टारेल मलमासिया र इन्जुरी समयमा ह्यारी मगुरेले आत्माघाती गोल गरेपछि सेभियाले बराबरी गरेको हो ।