एजेन्सी । सेभियाले कीर्तिमानी रच्दै सातौं पल्ट युरोपा लिगको उपाधि जितेको छ ।
उसले बुधबार पुस्कास एरेनामा भएको फाइनलमा एएस रोमालाई टाइब्रेकरमा ४–१ ले पराजित गरेको हो । स्पेनी टिमका लागि गोन्जालो मोन्टिएलले पेनाल्टीबाट निर्णायक गोल गरे ।
मोन्टिएलले कतार विश्वकप फाइनलमा पनि अर्जेन्टिनाका लागि पेनाल्टीमा विजयी गोल गरेका थिए । निर्धारित समयको खेल भने १–१ को बराबरीमा रहेको थियो । रोमाका लागि रोजर इबानेज र जियानलुका मानचिनी पेनाल्टीमा गोल गर्न चुके ।
योजितसँगै सेभियाले सबैभन्दा बढी ७ पटक युरोपा लिगको उपाधि जितेको छ। सेभियाले यसअघि २००६, २००७, २०१४, २०१५, २०१६, २०२० मा युरोपा लिग जितेको थियो।
Leave a Reply