सुर्खेत । जाजरकोटमा एक महिलाको शव जंगलमा फेला परेको छ । नलगाड नगरपालिका–१ कि ४२ वर्षीया भगवती शाहीको शव घर नजिकैको जंगलमा फेला परेको हो ।

आइतबार बिहान प्रहरीले भीरबाट शव निकालेर अस्पताल ल्याइएको छ । शव सडेर गन्हाउने अवस्थामा पुगिसकेपछि गाउँलेले प्रहरीलाई खबर गरेका थिए ।

घरभन्दा करिब एक सय मिटरको दूरीमा फेला परेको शवको प्रकृति हेर्दा एक हप्ताअघि नै मृत्यु भएको प्रहरीको अनुमान छ ।

प्रहरीले मृतकका श्रीमान लोकबहादुर नेपालीलाई नियन्त्रणमा लिएको छ ।