एजेन्सी । इङ्ग्लिस प्रिमियर लिग फुटबलमा म्यानचेस्टर युनाइटेडले पहिलो जित निकालेको छ ।

आज बिहान भएको खेलमा लिभरपुललाई २–१ गोलले हराउँदै युनाइटेडले अङ्कतालिकामा तीन अङ्क जोडेको छ ।

घरेलु मैदान ओर्ल्ड ट्राफोर्डमा भएको खेलमा युनाइटेडका जेडन सान्चो र मार्कस रासफर्डले एक/एक गोल गरे । लिभरपुलका मोहम्मद सलाहले एक गोल फर्काए ।

जितसँगै युनाइटेडको ३ खेलमा ३ अङ्क भएको छ । युनाइटेड तालिकाको १४औँ स्थानमा छ । समान खेलमा २ अङ्ककासाथ लिभरपुल १६औँ स्थानमा छ ।

तीन खेलमा ९ अङ्क जोडेको आर्सनल अङ्क तालिकाको शीर्ष स्थानमा छ ।