एजेन्सी । म्यानचेस्टर युनाइटेड च्याम्पियन्स लिगको समूह चरणबाटै बाहिरिएको छ ।

गएराति आफ्नै मैदान ओल्ड ट्राफोर्डमा भएको समूहको अन्तिम खेलमा बायर्न म्युनिखसँग १–० गोलले पराजित भएपछि युनाइटेडको यात्रा समाप्त भएको हो । बायर्न म्युनिखको जितमा ७० औं मिनेटमा किङस्ले कोमनले गोल गरे ।

नकआउट चरणमा स्थान सुरक्षित गर्न बुन्डेसलिगा च्याम्पियन बायर्नलाई हराउनै पर्ने थियो । यसै समूहको अर्को खेल गालातासारे र कोपनहेगन बीचको खेल बराबरीमा सकिनु पर्ने थियो ।

तर दुवैको नतिजा युनाइटेडको पक्षमा आएन। बार्यन यसअघिनै समूह ‘ए’ को विजेताका रुपमा अन्तिम १६ मा पुगिसकेको थियो।