एजेन्सी । भारतका पूर्वप्रधानमन्त्री राजीव गान्धी हत्याकाण्डका ६ जना दोषी ३१ वर्षको जेल सजायपछि रिहा भएका छन् ।
भारतको सर्वोच्च अदालतले रिहा गर्न आदेश दिएको एक दिनपछि तीन अभियुक्तहरू नलिनी श्रीहरन, उनका पति मुरुगन र सन्थान रिहा भएका हुन् । उनीहरुलाई तामिलनाडुको भेल्लोर जेलबाट रिहा गरिएको बताइएको छ ।
रिहा हुनुअघि नलिनी शनिबार बिहान एक स्थानीय प्रहरी चौकीमा उपस्थित भएकी थिइन् ।
मे महिनामा सर्वोच्च अदालतले आफ्नो असाधारण शक्तिको प्रयोग गरी सातौं दोषी पेरारिवलनलाई रिहा गरेको थियो । बाँकी दोषीलाई पनि यही आदेश लागू भएको अदालतले जनाएको छ।
Leave a Reply