एजेन्सी । लियोनल मेसी फ्रेन्च क्लब पेरिस सेन्ट जर्मेन (पीएसजी) सँग सम्झौता नवीकरण गर्न सहमत भएका छन् ।

कतारमा भएको विश्व कप फुटबलको उपाधि विजेता अर्जेन्टिनाका कप्तान मेसी पीएसजीसँग सम्झौता नवीकरण गर्न प्रारम्भिक रुपमा सहमत भएका हुन् ।

फ्रेन्च लिग वान क्लबसँग मेसीको सम्झौता सन् २०२३ को जुनमा सकिँदैछ । मेसीले पीएसजीमा थप एक वर्ष रहने गरी सम्झौता नवीकरण गर्ने तयारी छ ।

मेसी सन् २०२१ मा बार्सिलोना छाडेर पीएसजी गएका थिए । उनले त्यहाँ २ वर्षको सम्झौता गरेका थिए । मेसीले पीएसजीका लागि ५३ खेलमा २३ गोल गरिसकेका छन् ।