काठमाडौं । सुदूरपश्चिम प्रदेशसभामा सभामुखको चुनाव आगामी माघ २ गते हुने भएको छ ।

आइतबार बसेको सर्वदलीय बैठकले आगामी माघ २ गते चुनाव गर्ने सहमति गरेको प्रदेशसभा सचिव देवबहादुर बोगटीले जानकारी दिए ।

सुदूरपश्चिममा सोमबारका लागि प्रदेशसभा अधिवेशन आह्वान गरिएको छ । प्रदेशसभा अधिवेशन सुरु हुनु अघिल्लो दिन आइतबार सर्वदलीय बैठक बसेको हो ।

दूरपश्चिममा नेपाली कांग्रेसका १९, माओवादी केन्द्रका ११, नेकपा एमालेका १०, नागरिक उन्मुक्ति पार्टीका ७, नेकपा एसका ४, राप्रपाका १ र स्वतन्त्र १ गरी ५३ सांसद छन् ।