काठमाडौं । आईसीसी विश्वकप लिग-२ को अन्तिम खेलमा युएईविरुद्ध नेपालले खराब सुरुवात गरेको छ।
यूएईविरुद्ध ३११ रनको किर्तिमानी लक्ष्य पाएको नेपालले खराब सुरुवात गरेको हो । नेपालले सुरुका २ ओभरमा लगातारु विकेट गुमाएको छ ।
पहिलो ओभरको तेस्रो बलमै ओपनर आसिफ शेखलाई गुमाएको नेपालले दोस्रो ओभरको पनि तेस्रो बलमा कुशल मल्ललाई गुमाउन पुग्यो। २ बलको सामना गरेका आसिफ शून्य रनमै स्टम्पिङ भए।
त्यसपछि आएका मल्लले ५ बलमा एक चौका प्रहार गर्दै ५ रनमै आउट भए। अहिले अहिले कुशल भुर्तेल र कप्तान रोहित पौडेल क्रिजमा छन्।
यसअघि टस जितेर पहिले ब्याटिङ रोजेको युएईले ६ विकेटको क्षतिमा ३१० रन बनाएको थियो।
Leave a Reply