काठमाडौं । नेकपा एकीकृत समाजवादीले तीन वटा मन्त्रालय पाउनुपर्ने अडान राखेको छ।
एकीकृत समाजवादीको पार्टी कार्यालयमा बसेको सचिवालय बैठकले तीन मन्त्रालय नपाए सरकारमा नजाने निर्णय गरेको हो ।
सचिवालय बैठकपछि प्रवक्ता जगन्नाथ खतिवडाले भने, ‘तीन मन्त्रालय हामीलाई दिनुपर्छ। तीन मन्त्रालय नपाएसम्म हामी मन्त्रीको नाम प्रधानमन्त्रीलाई पठाउँदैनौं । हामीले धेरै त्याग गरेका छौं।’
उपमहासचिव खतिवडाले आफ्नो पार्टीले धेरै त्याग गरिसकेकाले अब आफूले मागेका तीन मन्त्रालयमा आफ्नो पार्टीको अडान रहेको बताए ।
खतिवडाले आफूले मागेका तीन मन्त्रालय दिए मन्त्रीको नाम दिन आफूहरु तयार भएर बसेको स्पष्ट पारे । उनले आफूहरुले धेरै कुरा त्याग गरेको भएकाले अहिले तीन मन्त्रालय पाउने ठाउँ नजिक पुगेको बताए ।
Leave a Reply