काठमाडौं । पहिलो एकदिवसीय अन्तर्राष्ट्रिय क्रिकेटमा भारतले वेस्ट इन्डिजलाई पाँच विकेटले पराजित गरेको छ ।
गए राति बारबाडोसको केंसिंग्टन ओभलमा भएको खेलमा वेस्ट इन्डिजले दिएको १ सय १५ रनको सामान्य लक्ष्य भारतले ५ विकेट गुमाएर २२ ओभर ५ बलमै पूरा गर्यो ।
यसअघि घरेलु मैदानमा टस हारेर ब्याटिङ गरेको वेस्ट इन्डिज २३ ओभरमा १ सय १४ रनमा अलआउट भयो ।
यो जितसँगै भारतले ३ खेलको शृङ्खलामा १–० को अग्रता लिएको छ । यसअघि भएको २ खेलको टेस्ट शृङ्खला भारतले १–० ले जितेको छ ।
Leave a Reply