काठमाडौं । आईसीसी यू-१९ विश्वकप क्रिकेट प्रतियोगिता अन्तर्गत अफगानिस्तानविरुद्धको खेलमा नेपालले लगातार विकेट गुमाउन थालेको छ ।

पछिल्लो पटक क्रिजमा आएका दिपेश कँडेल छैटौं विकेटको रुपमा ४ रनमा आउट भए ।

त्यसअघि आएका दीपक डुम्रे पनि केवल ५ रनमै आउट भएका थिए । उनलाई अरब गुलले हसन इसाखिलको हातबाट २६ औँ ओभरकको पाँचौँ बलमा क्याच आउट गराए ।

लगातार विकेट गएपछि नेपाल अहिले दबाबमा परेको छ । अफगानिस्तानले दिएको १४६ रनको लक्ष्य पछ्याएको नेपालले २९ ओभरमा ६ विकेट गुमाउँदै ९६ रन बनाएर खेलिरहेको छ ।