काठमाडौं । आईसीसी यू–१९ विश्वकप क्रिकेट प्रतियोगिताको ‘सुपर सिक्स’ चरणको खेलमा नेपालविरुद्ध भारतले २२ ओभरमा तीन विकेट गुमाएर १११ रन बनाएको छ ।

दक्षिण अफ्रिकामा जारी प्रतियोगितामा भारतको पहिलो विकेट नेपाली बलर गुल्सन झाले लिएका हुन् ।

गुल्सनले भारतीय टोलीका ओपनर ब्याट्सम्यान आदर्श सिंहलाई २१ रनको व्यक्तिगत स्कोरमा विकेटकिपर उत्तम रंगु थापामगरद्वारा क्याच गराएका थिए ।

भारतले ४.५ ओभरमा पहिलो विकेट गुमाउँदा कुल २६ रन बनाएको थियो । भारतले दोस्रो विकेटका रुपमा प्रियांशु मोलियालाई गुमाएको थियो ।

पेभेलियन फर्किनुअघि उनले १९ रन बनाएका थिए । उनी रन आउट भई मैदानबाट बाहिरिएका थिए । १३.५ ओभरमा उनी आउट हुँदा भारतले ६१ रन बनाएको थियो ।

भारतको तेस्रो विकेट भने आकाश चन्दले लिएका थिए । आकाशले भारतका ओपनर ब्याट्सम्यान आर्सिन कुलकर्णीलाई १८ रनको ब्यक्तिगत स्कोरमा विकेटकिपर उत्तर रंगु थापामगरद्वारा क्याच गराएका थिए ।

१४औँ ओभरको अन्तिम बलमा उनी आउट हुँदा भारतले ६२ रन बनाएको थियो । भारतका कप्तान उदय शरण १५ रन र सचिन दास ३४ रन बनाउँदै क्रिजमा छन् ।