काठमाडौं । आईसीसी यू-१९ विश्वकप क्रिकेट प्रतियोगिताअन्तर्गत सुपर सिक्सको खेलमा नेपालसामु भारतले २९८ रनको विशाल लक्ष्य प्रस्तुत गरेको छ ।

टस जितेपछि ब्याटिङ रोजेको भारतले निर्धारित ५० ओभरमा ५ विकेटको क्षतिमा २९७ रन जोडेको हो । ६२ रन हुँदा भारतले तीन विकेट गुमाएको थियो ।

तर भारतका लागि कप्तान उदय शहरान र सचिन दासले शतक प्रहार गरे । सचिनले ११६ रन र कप्तान शहरानले १०० रनको योगदान दिए ।

चौथो विकेटका लागि उदय शरन र सचिनले २०२ बलमा २१५ रनको महत्वपूर्ण शतकीय साझेदारी गरेपछि नेपालले विशाल लक्ष्य पाएको हो ।

६२ रनमा ३ विकेट गुमाएको भारतका लागि दास र कप्तान उदयले दोहोरो शतकीय साझेदारी गरेका थिए ।