काठमाडौं । १५ मिनेटका लागि स्थगित भएको प्रतिनिधिसभा बैठक झण्डै दुई घण्टासम्म सुरु हुन सकेको छैन ।

प्रधानमन्त्री प्रधानमन्त्री पुष्पकमल दाहाल प्रचण्डका लागि रुलिङ हुनुपर्ने माग गर्दै कांग्रेसले अवरोध गरेपछि स्थगित भएको प्रतिनिधि सभाको बैठक झण्डै दुई घण्टासम्म सुरु भएको छैन ।

रवि लामिछाने गृहमन्त्रामा स्वार्थ बाझिने भनी कांग्रेसले प्रश्न उठाउँदै आएको छ । सहकारी ठगीको अनुसन्धानको घेरामा रहेका लामिछानेलाई गृहमन्त्री बनाएको भनी कांग्रेसले प्रधानमन्त्री प्रचण्डको जवाफ मागेको छ ।

दुई घण्टाभन्दा बढी समयसम्म सुरु हुन नसके प्रतिनिधिसभाको बैठक स्वतः स्थगित हुने प्रतिनिधि सभा नियमावलीमा छ ।

प्रतिनिधि सभाका शुक्रबार राजनीतिक दल सम्बन्धी विधेयकमाथि विचार गरियोस् भन्ने प्रस्तावमाथि छलफल गर्ने कार्यसूची थियो ।