काठमाडौं । भारतीय विदेश सचिव विक्रम मिश्री नेपाल आउने भएका छन् ।
नेपालकी परराष्ट्र सचिव सेवा लम्सालको निमन्त्रणामा मिश्री २ दिने नेपाल भ्रमणमा आउन लागेका हुन् ।
उनी साउन २७ देखि २८ गतेसम्म नेपालको औपचारिक भ्रमणमा आउन लागेको परराष्ट्र मन्त्रालयले जनाएको छ ।
‘विदेश सचिवको आगामी भ्रमणले दुई देशबीचको नियमित उच्चस्तरीय आदानप्रदानको परम्परालाई निरन्तरता दिनुका साथै छिमेकी पहिलो नीति अन्तर्गत भारतले नेपालसँगको सम्बन्धलाई दिएको प्राथमिकतालाई प्रतिबिम्बित गर्दछ,’मन्त्रालयले जारी गरेको विज्ञप्तिमा भनिएको छ ।