प्रहरी लाठी र बन्दुक बोक्न मात्र होइन, बौद्धिक क्षेत्रमा पनि सक्षम छ : आईजीपी कुँवर

अनलाइन नेपाल

शनिवार , श्रावण २६, २०८१

प्रहरी लाठी र बन्दुक बोक्न मात्र होइन, बौद्धिक क्षेत्रमा पनि सक्षम छ : आईजीपी कुँवर

काठमाडौं । प्रहरी महानिरीक्षक (आईजीपी) बसन्तबहादुर कुँवरले प्रहरी कानुन कार्यान्वयनमा मात्रै नभई बौद्धिक क्षेत्रमा पनि त्यतिकै सक्षम रहेको बताएका छन्।

नेपाल पुलिस क्लब भृकुटीमण्डपमा प्रहरी उपरीक्षक नवीन किशोर प्रधानद्वारा लिखित ‘सादृश्य विम्ब’ कथासङ्ग्रह र ‘लेखान्त’ नाटक लोकार्पण कार्यक्रमलाई सम्बोधन गर्दै आईजीपी कुँवरले यस्तो बताएका हुन्।

आईजीपी कुँवरले साहित्य लेखन आफैमा एउटा कठिन परिश्रम भएको बताए । उनले ज्ञान र क्षमताको साथै धैर्यताको पनि निकै आवश्यकता रहेको चर्चा गर्दै आम जनमानसमा रहेको प्रहरी प्रतिको लाठी र बन्दुक मात्र बोक्ने भन्ने परम्परागत बुझाइलाई चिर्न यस कृति प्रशंसनीय रहेको बताए।

अहिलेको विद्यमान परिवेशमा प्रहरीको कार्यक्षेत्र शान्ति सुरक्षा अमनचयन कायम गर्ने, अपराध न्यूनीकरण र अनुसन्धान गर्ने तथा विविध प्रहरी कार्यद्वारा सुरक्षाको प्रत्याभूति प्रदान गर्नुका साथै प्रहरीमा बहुआयमिक प्रतिभा समेत हुन्छ भन्ने तथ्य आजको नाटक तथा कथासङ्ग्रहको लोकार्पणले प्रस्फुटित गरेको आईजीपी कुँवरले उल्लेख गरे।

आईजीपी कुँवरले वंश परम्परा सम्बन्धी मोह, सामाजिक रूपान्तरण, नयाँ र पुरानो पुस्ताबिचको मानसिक मतभेद जस्ता सामाजिक विषयवस्तु समेटिएको बताए।

आईजीपी कुँवरले नयाँ दृष्टिकोण प्रदान गर्ने र पाठकहरूको मन मस्तिष्कमा दीर्घकालीन प्रभाव पार्ने साहित्यिक सिर्जनका रूपमा रहने अपेक्षा लिएको बताए।

उक्त अवसरमा समारोहका प्रमुख अतिथि प्रहरी महानिरीक्षक कुँवरका साथै विशिष्ट अतिथिहरूले संयुक्त रूपमा उक्त कथासङ्ग्रह र नाटक लोकार्पण गरे।

प्रतिक्रिया दिनुहोस्

नयाँ अपडेट

थप नयाँ अपडेट

प्रहरी लाठी र बन्दुक बोक्न मात्र होइन, बौद्धिक क्षेत्रमा पनि सक्षम छ : आईजीपी कुँवर