Jun 21 2026 | २०८३, आषाढ ७ गते
21 Jun 2026 | आइतवार, आषाढ ७ गते २०८३
आइतवार, आषाढ ७ गते २०८३
Jun 21 2026 | २०८३, आषाढ ७ गते
21 Jun 2026 | आइतवार, आषाढ ७ गते २०८३
बिहिवार , आश्विन ३, २०८१
धादिङ । पृथ्वी राजमार्गस्थित मलेखुमा विगत नौ वर्षदेखि वनको जग्गामा घर बनाएर होटेल सञ्चालन गरेको पाइएको छ ।
अदालतले समेत सो होटेल भत्काउन आदेश दिएपछि जिल्ला प्रशासन कार्यालय र जिल्ला वन कार्यालयमा सेटिङ मिलाएर अवैध रूपमा होटेल चलिरहेको छ ।
बेनिघाट रोराङ–३ स्थित कृपाञ्जली होटेलले सार्वजनिक बन क्षेत्र मिचेर होटेल चलाएको हो । दुई वर्षअघि नै सर्वोच्च अदालतले होटेल भत्काउन मिल्ने आदेश दिए पनि कार्यान्वयन हुन सकेको छैन ।
होटेलका सञ्चालक कृष्ण प्रसाद सिलवालले वन कार्यालयलाई विपक्षी बनाई दायर गरेको रिट सर्वोच्च अदालतले ३ पुसमा खारेज गरिदिएको थियो ।
त्यससँगै होटेल भत्काउन कानुनी बाटो खुले पनि कार्यान्वयनमा ढिलाइ भइरहेको छ । राजमार्गसँगै जोडिएको सो होटेलले सार्वजनिक सम्पत्ति मिचेर लाखौँ आम्दानी गरिरहेको छ ।
सर्वोच्च अदालतको फैसलाका आधारमा डिभिजन वन कार्यालय धादिङले गत वर्ष २७ मंसिरमा होटेल खाली गर्न १५ दिने सूचना जारी गरेको थियो । तर, होटेल खाली हुन सकेन ।
स्रोतका अनुसार होटेलका सञ्चालकले जिल्ला प्रशासन कार्यालयदेखि वन कार्यालयसम्म सेटिङ मिलाएका छन् । धादिङका सिडिओ राजेन्द्रदेव पाण्डे र डिफओ राजेन्द्र प्रसाद आचार्यले होटेल खाली गराउन चासो दिएका छैनन् ।
होटेल व्यवसायी सिलवालले पटक–पटक भेटेर वन कार्यालयको निर्णय कार्यान्वयनमा ढिलाइ गरिदिन आग्रह गर्दै आएका छन् । यसमा आर्थिक चलखेलको समेत आशंका स्थानीयको छ ।
© 2026 All right reserved to onlinenepal.com
Design & Developed By
