Jun 20 2026 | २०८३, आषाढ ६ गते
20 Jun 2026 | शनिवार, आषाढ ६ गते २०८३
शनिवार, आषाढ ६ गते २०८३
Jun 20 2026 | २०८३, आषाढ ६ गते
20 Jun 2026 | शनिवार, आषाढ ६ गते २०८३
शनिवार , आषाढ ६, २०८३
एजेन्सी । इरानको संयुक्त सैन्य कमाण्डले रणनीतिक रूपमा अत्यन्त महत्त्वपूर्ण मानिने होर्मुज स्ट्रेट पुनः बन्द गर्ने घोषणा गरेको छ । शनिबारदेखि लागू हुने भनिएको यो निर्णयसँगै क्षेत्रीय तनाव थप चुलिएको छ ।
सरकारी टेलिभिजनमार्फत जारी गरिएको सैन्य विज्ञप्तिमा इरानले लेबनानमा जारी इजरायली आक्रमण र संयुक्त राज्य अमेरिकाले युद्ध अन्त्य गर्ने प्रतिबद्धता पूरा नगरी ‘बदनियतपूर्ण रूपमा सम्झौता उल्लंघन’ गरेको आरोप लगाएको छ । यदि आक्रमण जारी रह्यो भने थप कडा कदम चालिने चेतावनीसमेत इरानले दिएको छ ।
इरानको विदेश मन्त्रालयका प्रवक्ता इस्माइल बगाहेईले अमेरिकी पक्षले सम्झौताका सबै सर्त पूर्ण रूपमा कार्यान्वयन नगरेसम्म अवस्था सामान्य नहुने संकेत गरेका छन् ।
उनका अनुसार लेबनानमा जारी द्वन्द्व रोक्नेलगायतका मुख्य बुँदाहरू पूरा नभएसम्म अन्तिम सम्झौतासम्बन्धी वार्ता अघि बढ्न सक्दैन ।
उनले कुनै पनि पक्षले सम्झौताको अंश मात्र कार्यान्वयन गरेमा समग्र प्रक्रिया नै संकटमा पर्ने चेतावनी दिएका छन् ।
यसअघि यसै हप्ताको सुरुमा अमेरिका र इरानबीच भएको अन्तरिम सहमतिपछि तेहरानसँग जोडिएका कूटनीतिक प्रयासहरू र होर्मुज स्ट्रेट हुँदै हुने जहाज आवागमन पुनः सुचारु गरिएको थियो ।
© 2026 All right reserved to onlinenepal.com
Design & Developed By
