एजेन्सी । अमेरिकी राष्ट्रपति डोनाल्ड ट्रम्पले 'ट्रम्प गोल्ड कार्ड' नामक नयाँ भिसा कार्यक्रम सुरु गरेका छन्।
ट्रम्पले मंगलबार धनी विदेशीहरूलाई अमेरिकाले गोल्ड कार्ड बिक्री गर्ने घोषणा गरेका हुन् ।
यो ५० लाख डलर अर्थात् झन्डै ७० करोड नेपाली रुपैयाँमा खरिद गर्न सकिन्छ।
यो भिसा पाएपछि उनीहरूले अमेरिकामा बस्न र काम गर्न अनुमति पाउनेछन् ।
साथै नागरिकता पाउने सहज बाटो खुल्नेछ।
गोल्ड कार्ड बिक्री दुई हप्ताभित्र सुरु हुनेछ र लाखौं कार्ड बिक्री हुन सक्ने अनुमान गरिएको छ।