एजेन्सी । युक्रेनी राष्ट्रपति भोलोदिमिर जेलेन्स्कीले अमेरिका र युक्रेनबीच अर्को हप्ता साउदी अरेबियामा वार्ता हुने बताएका छन् ।
जेलेन्स्कीले उक्त वार्तालाई ‘महत्वपूर्ण बैठक’ हुने आशा व्यक्त गरेका छन् ।
वार्ताको समयमा जेलेन्स्की खाडी देशमा हुनेछन् । तर, वार्तामा उनले भाग लिने छैनन् ।
गत शुक्रबार ह्वाइट हाउसमा जेलेन्स्की र ट्रम्पबीच चर्को बहस भएको थियो । जसमा ट्रम्पले जेलेन्स्की लडाईं अन्त्य गर्न तयार नभएको आरोप लगाएका थिए ।