एजेन्सी । इजरायलका लडाकु विमानहरूले गाजामा मंगलबार गरेको हवाई आक्रमणमा कम्तीमा ४०० जना मारिएका छन् ।
जनवरी १९ देखि सुरु भएको पहिलो चरणको अस्थायी युद्धविराम मार्चको पहिलो साता समाप्त भएसँगै इजरायलले दर्जनौं लडाकु विमानमार्फत हवाई आक्रमण गरेको हो ।
गाजास्थित हमासको स्वास्थ्य मन्त्रालयका अनुसार हमलामा कम्तीमा चार सय जनाको मृत्यु भएको हो ।
हमलामा सयौं जना घाइते भएका छन्। इजरायलले हमासका सुरक्षा अधिकारी र राजनीतिक नेतृत्वलाई निसाना बनाएको थियो ।