काठमाडौं । भारत सरकारले पाकिस्तानले टर्किस निर्मित हतियार प्रयोग गरी आक्रमण गरेको आरोप लगाएको छ ।
शुक्रबार विशेष पत्रकार सम्मेलनमा भारतीय विदेश मन्त्रालयका सचिव विक्रम मिश्रीले गुरुद्वारा र पुन्चमा पाकिस्तानले समुदाय लक्षित आक्रमण गरेको आरोप लगाएका हुन् ।
उनले बिहीबार राति भारतका विभिन्न क्षेत्रमा धर्म र समुदाय लक्षित प्रहार गरेर पाकिस्तानले कायरतापूर्ण व्यवहार देखाएको बताए ।
साथै पाकिस्तानले टर्किस निर्मित हतियार प्रयोग गरी कन्धार, उरी, पुन्च, मेन्धर, राजौरी, अख्नुर र उधमपुरमा आक्रमण गरेको कर्नेल सोफिया कुरैशीले बताइन् ।
उक्त घटनाहरूमा केही भारतीय सुरक्षाकर्मी हाताहाती भएको केही घाइते भएको उनले बताइन् । भारतको जवाफी कारबाहीमा भने पाकिस्तानी सेनामा ठूलो क्षति पुगेको भारतको दाबी छ ।